Áýez Elýbaev bılıardtan Tatarstan Prezıdentiniń kýbogy úshin ótip jatqan halyqaralyq týrnırdiń jartylaı fınalynda óner kórsetýde
ALMATY. 17 aqpan. QazAqparat /Erlik Erjanuly/ - Búgin Qazan qalasynda bılıardtyń «Erkin pıramıda» túrinen Tatarstan Prezıdentiniń kýbogy úshin erler arasynda halyqaralyq týrnırdiń jartylaı jáne aqtyq fınaldary ótedi.
Onda el namysyn qorǵaǵan 3 sportshynyń arasynan Áýez Elýbaev qazir jartylaı fınalda reseılik ıAroslav Vınokýrmen saıysqa túsip jatyr. Á. Elýbaev bul synda jeńiske jetse aqtyq synda Reseıdiń Qazan qalasynyń týmasy Eınar Zamallev pen Ýkraınanyń Harkov qalasynan kelgen Aleksandr Palamar arasyndaǵy oıynnyń jeńimpazymen kezdesedi. Semeılik bılıardshy buǵan deıin reseılik Sergeı Goryslovetsti 7:4, al onyń kelesi bir otandasy Ilıa Kırıchkovty 7:3 esebimen utqan bolatyn. Al onyń komandalas serikterinen Ernar Shymbaev alǵashqy synda ýkraınalyq Aleksandr Palamarǵa 2:7, Qanybek Saǵyndyqov reseılik ıÝrıı Paşınskııge 5:7 esebimen ese jiberip, 9-15 oryndarǵa ǵana talasýǵa múmkindik alǵan edi.
