Áýez Elýbaev bılıardtan Tatarstan Prezıdentiniń kýbogy úshin ótip jatqan halyqaralyq týrnırdiń qola júldegeri atandy
ALMATY. 18 aqpan. QazAqparat /Erlik Erjanuly/ - Qazan qalasynda 16-17 aqpan kúnderi bılıardtyń «Erkin pıramıda» túrinen Tatarstan Prezıdentiniń kýbogy úshin erler arasynda halyqaralyq týrnır ótti.
Onda Reseıden -6 , Qazaqstan men Ýkraınadan úsh-úshten, AQSh, Belarýs jáne Qyrǵyzstannan bir-bir sportshy arnaıy shaqyrtý boıynsha qatysqan bolatyn. Onda reseılik Sergeı Goryslovets (7:4) pen Ilıa Kırıchkovty (7:3) utqan semeılik Áýez Elýbav jartylaı fınalda ıAroslov Vınokýrǵa 5:7 esebimen utylyp, qola júldeni qanaǵat tutty. Ol qarsylasyn 5:1 esebimen utyp turyp, sońǵy partııalarda bosańdyq tanytyp aldy. Atap aıtqanda 11 partııaǵa sozylǵan bul oıyn 8-6, 8-2, 8-1, 0-8, 8-3, 8-4, 6-8, 6-8, 1-8, 4-8, 4-8 esebimen aıaqtaldy. Al aqtyq synda odessalyq ıAroslov Vınokýr Harkovten kelgen óz otandasy Aleksandr Palamarmen kezdesip 7:2 esebimen basym tústi. Aleksandr jartylaı fınalda Reseıdiń Qazan qalasynyń týmasy Eınar Zamallevti de 7:2 esebimen utqan bolatyn. Jarys qorytyndysynda týrnır jeńimpazy ıA. Vınokýr Tatarstan Prezıdenti kýbogy men 11 500 AQSh dollary kólemindegi qarjylaı syılyqqa ıe boldy. Al A. Palamar 8 500 dollar, 3-4 oryn alǵan Áýez Elýbaev pen Eınar Zamallev 6 myńnan, al 5-15 oryndardy ózara bólisken Rýslan Chınahov, ıÝrıı Paşınskıı (Reseı), Qanybek Saǵynbaev (Qyrǵyzstan), Ilıa Kırıchkov (Reseı), ıAroslav Tarnovetskıı (Ýkraına), Qanybek Saǵyndyqov (Qazaqstan), Nıkıta Lıvada, Sergeı Goryslovets (Reseı), Ernar Shymbaev (Qazaqstan), Evgenıı Kýrta ( Belorýs), Djons Dıter (AQSh) 1500 dollardan aldy.
