Áýesqoı tennısshiler elordada bas qosty
ASTANA. QazAqparat - Tennıs sportynyń áýesqoılary Astanada bas qosty, dep habarlaıdy QazAqparat Habar 24 telearnasyna silteme jasap.
«Astana Oýpen» dep atalatyn báseke jyl saıyn naýryz merekesi qarsańynda uıymdastyrylady. Otandyq tennıs federatsııasy bıyl da sol dástúrden jańylmaı, jarysty joǵarǵy deńgeıde ótkizip jatyr.
Ashyq týrnırge qatysam deýshiler sany bıyl 120-ǵa jetti. Osyǵan oraı dodany 3 deńgeı boıynsha ótkizý jóninde sheshim qabyldandy. ıAǵnı erler 30 jastan jáne 45 jastan joǵary dep 2 topqa bólindi. Buǵan qosa bıyl alǵash ret áıelder arasyndaǵy báseke qosyldy. Jarystyń ózi 23-shi naýryzǵa deıin jalǵasady. Al onyń jalpy júlde qory 800 myń teńgeni quraıdy.
«Áýesqoılar arasyndaǵy jarystardy jıi ótkizýge tyrysamyz. Óıtkeni, bul buqaralyq sporttyń damýyna keremet serpin beredi. Buǵan qosa, adamdardyń demalys kezinde boıyn sergitip, jaqsy áser alýyna kómektesedi. Ásirese ártúrli aımaqtardan arnaıy keletinderdiń kóptigi qýantady. Bul Qazaqstandaǵy tennıstiń durys jolmen damyp kele jatqanyn bildiredi», - deıdi Qazaqstan tennıs federatsııasynyń atqarýshy dırektory ıÝrıı Polskıı.
