Áýesqoı hokkeıshiler arasyndaǵy «túngi chempıonat» óz máresine jetti

Shara Uly Jeńistiń 67 jyldyǵyna oraı uıymdastyryldy.

Astana qalalyq Týrızm jáne sport basqarmasynyń jáne «Jiger» sport klýbynyń uıymdastyrýymen júzege asqan atalǵan chempıonat alǵash ret ótkizilip otyr. Degenmen, tuńǵysh ret ótkizilgenine qaramastan, oǵan qatysýshylar sany aıtarlyqtaı boldy. Ashyq chempıonattyń birinshi matchy 4 aqpan kúni «Astana» jáne «Qyzyl quıǵyn» komandalarynyń arasynda ótken bolatyn. Oıynnyń basym bóligi keshqurym ótkendikten qatysýshylardyń arasynda «túngi chempıonat» atalyp ketken bul shara barysynda úsh aı boıy áýesqoı komandalar arasynda tolaıym tartystar órbidi.

Aıta keteıik, týrnırdiń alǵashqy kúni 11 komanda qatysýǵa nıet tanytqan bolatyn, onyń quramyndaǵy sportshylardyń ózi ártúrli sala qyzmetkerleri edi. Chempıonattyń aıaqtalýyna eki týr qalǵanda 10 upaıdan eńsergen 6 komandanyń jeńis úshin baq synaýǵa múmkindigi boldy. Onda alǵashqy úshtikti «Barys Fans»  19 upaımen, «Qalqan» 18, jáne «Arlan» hokkeı klýby 17 upaımen ıelik etken bolatyn.

Sońǵy úsh aptada kóshbasshy úshtikte aıtarlyqtaı ózgerister boldy. Máselen, týrnırde kósh bastap turǵan, «Barys Fans» «NurDáýlet» jáne «Astana stroı montaj» komandalaryn aıqyn basymdyqpen  jeńgen bolatyn. Degenmen, olar ekinshi orynǵa ıelik etti. Óıtkeni, birinshi orynǵa eshqandaı jeńilis kórmegen «Qalqan» komandasy (QR Prezıdentiniń Kúzet qyzmeti men UQK qurama komandasy) shyǵyp otyr. Olardyń enshisine 27 upaı jazylǵan edi. Al úshinshi oryn «Arlan» komandasyn utqan «Astana» hokkeı komandasyna buıyrdy.

Týrnırdińúzdik oıynshylary bolyp  Jasulan Ábdihalyqov («Astana» komandasy - Sport basqarmasynyń quramasy), Igor Kankın («Berkýt») , Marat Qabjanov  («Arlan»), ıAroslav Kopelıýh («Brıgada 27»), Vıtalıı Sohnov («Krasnye ıastreby»), Ashat Sadyqulov («Kalkan») jáne taǵy basqalary tanyldy.

Chempıonattyń marapattaý jáne saltanatty jabylýy barysynda ótken úsh týr boıynsha da úzdik tanylǵandar marapattaldy.

Kózge túsip, jankúıerler yqylasyna bólengen sportshylarǵa syılyqtardy Astana qalasy ákiminiń orynbasary, Qazaqstannyń Shaıbaly hokkeı federatsııasy Atqarý komıtetiniń múshesi Erlan Qojaǵapanov tabys etti. «Bul  - jeńisten góri onyń oıyn barysyndaǵy úderistiń mańyzdylyǵyn bildireten chempıonat bolyp otyr. Sondyqtan da, onyń jalǵasyn tabýy asa qajet dep bilemin», - dep atap ótti ákim orynbasary.

Sóıtip, áýesqoılar arasyndaǵy tuńǵysh hokkeı maýsymy óz máresine jetti. Kelesi jyly oıynshylar da, uıymdastyrýshylar men jankúıerler de «áýesqoılar altyny» úshin muz aıdynyna shyǵatyndar sany arta túsedi dep úmittenedi.