Áýesqoı bokstan 2013 jylǵy álem chempıonaty Astanada ótedi - AIBA Prezıdenti
TANA. 1 tamyz. QazAqparat /Qanat Mámetqazyuly/ - Halyqaralyq áýesqoı boks qaýymdastyǵy (AIBA) Atqarý komıtetiniń músheleri 2013 jyly Astanada bokstan álem chempıonatyn ótkizý týraly Qazaqstan tapsyrysyn qanaǵattandyrdy. Bul týraly búgin elordada ótken baspasóz máslıhatynda AIBA prezıdenti Chıng-Kýo Vý málim etti.
«Keshe Atqarý komıtetine qazaqstandyq Boks federatsııasynan 2013 jyly áýesqoı bokstan kezekti AIBA búkilálemdik chempıonatyn Astanada ótkizý týraly resmı ótinish kelip túsken bolatyn. Osynaý dúbirli dodany ótkizý týraly qazaqstandyq taraptyń barlyq ázirlik baǵdarlamalary men josparlary tyńdaldy. Sonyń qorytyndysyna oraı, Atqarý komıteti bir aýyzdan Astanaǵa atalǵan chempıonatty ótkizýge múmkindik berý týraly daýys berdi», - dedi Chıng-Kýo Vý.
