Áýesqoı boksta júre bersem, oǵan yntam joǵalatyndaı sezim boldy - Danııar Eleýsinov
ASTANA. QazAqparat - Áýesqoı boksta júre bersem, oǵan yntam joǵalatyndaı sezim boldy. Bul týraly búgin L.Gýmılev atyndaǵy Eýrazııa ulttyq ýnıversıtetiniń stýdentterimen kezdesken Olımpıada chempıony Danııar Eleýsinov aıtty, dep habarlaıdy QazAqparat.
«Kásipqoı boksqa aýysý týraly sheshimge Olımpıada oıyndarynan keıin 1-2 promoýterlik kompanııa usynys jasaǵan soń keldim. Sebebi, áýesqoı boksta almaǵan asý, baǵyndyrmaǵan beles qalmady. Adamnyń óz aldyna qoıǵan maqsaty, armany bolady. Soǵan jetý úshin kásipqoı boksqa aýysý týraly sheshim qabyldadym», - dedi Danııar Eleýsinov.
Sonymen qatar ol áýesqoı boksta júre berse, bul sportqa degen yntasyn joǵaltyp alatyndaı sezimde bolǵandyǵyn da aıtty.
«Kásipqoı boksqa aýyssam, bir jaǵynan aǵama da demeý bolamyn dep oıladym. Óıtkeni, men kelisimshartqa otyrǵan promoýter týǵan aǵama da jaqsy usynys jasady. ıAǵnı, ekeýimiz birge jattyǵamyz, ákemiz de janymyzda bolady. Durys qadam jasadym dep oılaımyn. Aldaǵy ýaqytta meni kásipqoı rıngten kóresizder», - dedi Olımpıada chempıony.
Aıta keteıik, Rıodaǵy 2016 jylǵy Olımpıada oıyndarynyń jeńimpazy, tanymal qazaqstandyq boksshy Danııar Eleýsinov (69 kg) jaqynda qurylǵan «MJA Entertainment's» promoýterlik kompanııasymen kelisimshart jasasqan. Danııardyń aǵasy Dáýren Eleýsinov búgingi kúnge deıin kásipqoı rıngte birneshe kezdesý ótkizip, jeńiske jetken bolatyn.
