Áýesqoı astronom ǵaryshta jumys isteıtin astronavtardy sýretke túsirip aldy
ASTANA. Jeltoqsannyń 14-i. QazAqparat - Gollandııalyq áýesqoı astronom Ralf Vandeberg (Ralf Vandebergh) astronavtardy ashyq ǵaryshqa shyqqan kezderinde sýretke túsirip aldy,
dep habarlaıdy QazAqparat Lenta.rý saıtyna silteme jasap.
Vandeberg jumys isteý úshin óziniń ishki aýlasynda ornatylǵan 10-dıýımdik teleskopty paıdalanǵan. Sýret 2009 jylǵy naýryzdyń 21-inde túsirilgen, alaıda bastapqyda onda astronavty kórýdiń sáti túse qoımaǵan. Tek jaqynda ǵana, beıneni kúrdeli tsıfrli óńdeýden ótkizgennen keıin ǵana Vandeberg ǵajaıyp nátıjege qol jetkizdi.
Málimetterge qaraǵanda, sýretke astronavt Djozef Akabanyń Stıven Svonsonmen ashyq ǵarysh keńistigine shyqqan kezi túsirilgen. Іs-shara «Dıskaverı» zymyranynyń Halyqaralyq ǵarysh stansysyna ushýy aıasynda júrgizilgen.
