Áýenniń yrǵaǵyna saı barabandy 3 qolmen uratyn robot oılap tabyldy
ASTANA. QazAqparat -Barabandy ádettegideı 2 emes, 3 qolmen urýǵa múmkindik týdy. Mýzykanttarǵa mundaı tamasha jaǵdaıdy amerıkalyq mamandar usynyp otyr.
Djordjııa shtatyndaǵy Tehnologııalyq ýnıversıtet mamandary barabandy soǵýǵa yńǵaıly jasandy qol oılap tapty. Robot-qural áýenniń yrǵaǵyna qaraı qımyldaıdy. Endi ónertapqyshtar jasandy zatty mýzykanttyń bas mıynyń belgilerine áser etetindeı etip jasap kórmek, dep habarlaıdy 24.kz.
Mamandar «úshinshi qol» aldaǵy ýaqytta hırýrgter men tehnıkterdiń qajetine jarap qalatynyna senedi.
- Biz ozyq tehnologııalardyń kómegimen kóp is tyndyrýǵa bolady dep sanaımyz. Osy turǵyda mýzyka keremet múmkindik beredi. Ónerpaz úshin ýaqyt mańyzdy, ol bir mezette túrli názik qımyldar jasap úlgerýi kerek. Keńistiktiń de máni zor,- deıdi bul jaıly professor Djıll Ýaıgberg.
