Áýede Reseı ushaǵynyń janarmaıy taýsylyp qalǵan
ASTANA. QazAqparat - Keshe, 26 qazan kúni RF Nıjnekamskiden Máskeýge ushyp kele jatqan reseılik áýe kompanııasyna tıesili ushaqtyń janarmaıy bitip qalǵan.
Laınerdiń janarmaıy Máskeýge jaqyndap qalǵan kezde taýsyla bastaǵan, biraq qonýy tıis bolǵan Sheremetevo áýejaıyna deıin aıtarlyqtaı qashyqtyq bar edi.
Sol sátte ushaq Máskeýdiń basqa aýdanyndaǵy áýe aılaǵynyń - Domodedovo áýejaıynyń aýmaǵynda ushyp kele jatqan. Dıspetcherler áýe kemesi úshin arnaıy jolaqty bosatyp, onyń sátti qonýy úshin jaǵdaı jasaýǵa májbúr boldy.
«Aeroflottyń» saıtyndaǵy derekterge sáıkes, oqıǵa SU 1253 reısinde oryn alǵan. Ushaq jolǵa 1 saǵat 45 mınýt emes, tórt saǵat ýaqyt jumsady, dep habarlaıdy Mash Telegram-arnasy.
Illıýstratsııalyq foto
