Áýede dúnıege kelgen sábı ómir boıy tegin ushý múmkindigine ıe boldy
ASTANA. QazAqparat - Ed-Dammamadan (Saýd Arabııasy) Kochchı qalasyna baǵyt alǵan Úndistannyń Jet Airways laıneriniń bortynda aıaq astynan taǵy bir jolaýshy bosanyp, sábıli boldy. Ushaq ishinde dúnıege kelgen sábı áýe kompanııasynyń erekshe syılyǵyna ıe boldy, dep jazady «Moıa planeta».
Tolǵaq qysqan áıeldiń jaǵdaıyn bilgennen keıin ushaq dereý Mýmbaıǵa baǵyt alǵan. Borttaǵy feldsher men ekıpaj júkti áıelge kómek kórsetti. Bala Boeing 747 jerge qonyp úlgermesten dúnıege keldi, dep habarlaıdy The Independent.
Bul áýe kompanııasy úshin bul alǵashqy tosyn jaǵdaı bolyp otyr. Sondyqtan olar jańa týǵan nárestege ómir boıy reısterde tegin júrý múmkindigin syılady.
Aıta keteıik, mundaı syılyqtar sırek kezdesedi. Sońǵy ret 2009 jyly AirAsia áýe kompanııasy Penangtan Kýchıngke baǵyttalǵan eki saǵattyq ushý kezinde dúnıege kelgen sábıge osyndaı sertıfıkat tabystaǵan bolatyn.
