Áýede aqaý tabylǵan Air Astana ushaǵynda eki adam zardap shekti
Eske sala keteıik, 11 qarasha kúni «Eır Astana» áýe kompanııasynyń Embraer-190 ushaǵynan Portýgalııada tehnıkalyq qyzmetten keıingi ushý kezinde tehnıkalyq aqaý tabylyp, ekıpaj Portýgalııanyń Beja qalasyndaǵy aerodromǵa qonýǵa májbúr bolǵan edi.
«Brıtanııalyq ınjenerdiń tobyǵyna zaqym tıip, al qazaqstandyq ınjenerdiń arterııalyq qan qysymy kóterilgen. Olarǵa medıtsınalyq kómek kórsetildi, aýrýhanaǵa jatqyzýdyń qajeti joq», - deıdi arnaıy uıymdastyrylǵan baspasóz máslıhatynda áýe kompanııasynyń prezıdenti Pıter Foster.
Ol oqys oqıǵaǵa qatysty tekseristerdiń nátıjesi qalaı bolaryn aldyn ala boljaý múmkin emes ekenin, degenmen kompanııadaǵy derekterge qaraı keıbir qorytyndylardy aıtýǵa bolatynyn tilge tıek etti.
«Birinshiden, ushaqty baqylaýdaǵy qıyndyqtar OGMA kompanııasy júrgizgen jóndeý jumystarynyń tikeleı saldary. Ekinshiden, kapıtan Aýshev qolynan kelgenin istep, ushaqty qaýipsiz qondyrǵan ári áriptesteriniń de janyn aman saqtap qalǵan», - dedi ol.
Qazirgi kezde áýe kompanııasy toǵyz Embraer ushaǵyn paıdalanady. Air Astana ókilderiniń aıtýynsha, aldymen oqys oqıǵanyń naqty sebepterin aıqyndaý qajet, qalǵan ushaqtardy tekserý qajet pe, joq pa - bul týraly sheshimdi kompanııa sodan keıin shyǵarady.