Áýe jáne temir jol kólikterindegi qylmys kólemi 10,9 paıyzǵa azaıdy
ASTANA. QazAqparat - Qazaqstandaǵy kólik polıtseıleri jedel aldyn alý sharalarynyń arqasynda áýe jáne temir jol kólikterindegi qylmystardyń kórsetkishin 10,9 paıyzǵa azaıtyp otyr, dep habarlaıdy QazAqparat tilshisi.
QR ІІM Kóliktegi ІІD-niń baspasóz qyzmetinen habarlanyp otyrǵandaı, bir jyldyń ishinde kólik polıtseıleri aýyrlyǵy ortasha qylmystardy 34,9 paıyzǵa, asa aýyr qylmystardy 33,3 paıyzǵa, aýyr qylmystardy 14,7 paıyzǵa azaıtqan. Qazaqstan Respýblıkasynyń ІІM kóliktegi polıtsııa departamentiinń bastyǵy, polıtsııa polkovnıgi Amandyq Qabylov osyndaı kórsetkishterdi alǵa tartyp otyr.
«Departamenttiń negizgi basymdyqtarynyń biri - azamattarymyzdyń ómiri, quqyqtary men bostandyqtaryn qorǵaý. Meniń oıymsha, bizdiń jumysymyz qarqyndy, kúndelikti jumysqa negizdelýi kerek. Árbir polıtsııa qyzmetkeri muny jaqsy túsinetinine senimdimin», - dedi Amanjol Qabylov.
Departamenttiń esebi tyńdalǵan otyrys barysynda vedomstvonyń jetekshi apparattary men birqatar jelilik bólimderdiń baıandamalary tyńdaldy. Olardyń esebine sensek, ótken jyly departament bólimderiniń qyzmet kórsetý aımaǵynda barlyǵy 2446 quqyqbuzýshylyq tirkelgen. Onyń 1403-i - qylmys bolsa, 1043-i - zańbuzýshylyq retinde tirkelip otyr. Qylmystyń ashylý deńgeıi - 74 paıyz.
