Áýe shabýylyna qarsy qorǵanys áskerleri tótenshe jaǵdaılar kezindegi is-qımyldardy pysyqtady - QR QM (FOTO)
ASTANA. QazAqparat - 97617 áskerı bóliminiń qolbasshylyǵy Almaty óńirlik garnızony Áskerı polıtsııasy jasaǵynyń qyzmetkerlerimen birlesip dıversııaǵa qarsy qorǵanys boıynsha praktıkalyq kórsetilimdi sabaqtardy ótkizdi, dep habarlaıdy QR QM baspasóz qyzmeti.
Oqý-jattyǵýǵa Almaty garnızony áskerı bólimderiniń komandırleri men shtab bastyqtary, sondaı-aq Radıoelektronıka jáne baılanys áskerı-ınjenerlik ınstıtýtynyń kýrsanttary qatysty. Ótkizilgen is-sharanyń maqsaty jeke quramnyń kúzetiletin nysandarda qaýip-qater týyndaýynyń aldyn alý máselelerinde biryńǵaı uǵyný jáne is-qımyl algorıtmin pysyqtaý bolyp tabylady.
«Biz tótenshe jaǵdaılar týyndaǵan kezde arnaıy maqsattaǵy bólimshelermen ózara is-áreket etetin kúshterdiń uıymdastyrylýy men is júzinde oryndalýyn kórsetkimiz keldi», - dedi 97617 áskerı bólimi áskerler qyzmeti bóliminiń bastyǵy podpolkovnık Vıktor Sıdorenko.
Oqý-jattyǵýdy 97617 áskerı bóliminiń komandıri, podpolkovnık Baqytjan Dúısebekov pen osy bólimniń shtab bastyǵy maıor Altynbek Isaqanov ótkizdi. Oqý-jattyǵý kezinde kireberis joldardy, áskerı nysandardyń ólshemin nemese áskerı bólimdi qarýlanbaǵan adamdarmen buǵattaý kezinde áskerı bólim komandırleriniń, táýliktik narıadtaǵy laýazymdy adamdar men áskerı bólim jeke quramynyń praktıkalyq is-qımyldaryn kórsetti. Oqý-jattyǵýǵa qyzmettik ıttermen birge kınologııalyq qyzmettiń qyzmetkerleri jáne jedel den qoıý toby tartyldy.
