Áýe sapary aldynda koronavırýsqa test tapsyrý kerek pe
NUR-SULTAN. QazAqparat – QR DSM Qoǵamdyq densaýlyq saqtaý ulttyq ortalyǵy dırektory Damır Kóbjasarov tótenshe jaǵdaı rejımi aıaqtalǵannan keıin poıyz ári ushaqpen saparlaý kezinde koronavırýsqa test tapsyrý qanshalyqty qajet bolatyndyǵy týraly suraqqa jaýap berdi, dep habarlaıdy QazAqparat tilshisi.
«Barlyq sheshimder bizde tıisti memlekettik organdarmen qabyldanady. Ár óńirde ózderiniń aımaqtyq jedel shtabtary bar jáne olar osyndaı sheshimderdi qabyldaıdy. Sonymen birge, bizde Memlekettik komıssııa, respýblıkalyq jedel shtab qyzmet etedi. Olar da epıdemıologııalyq ári taldaý málimetteri negizinde qajetti sheshimderdi jasaıdy», - dedi D. Kóbjasarov onlaın brıfıng barysynda.
Osy oraıda ol osyndaı sheshim qabyldaýdyń is-qımyldaryn sıpattap berdi.
«Meniń oıymsha, jalpy epıdemıologııalyq jaǵdaıdy eskere otyryp, óńirlik shtabtarda tıisti sheshim qabyldanatyn bolady, sondaı-aq Respýblıkalyq jedel áreket etý shtaby temirjol qatynastaryn iske qosýǵa máseleni pysyqtaıdy. Sonymen qatar, áýe saparlary úshin zerthanalyq testileý júrgizý máselesine qatysty tıisti sheshim jasalatyn bolady», - dedi ol.
