Áýe reısteriniń keshigýi oqıǵalary Astana men Almaty qalalaryndaǵy áýejaı shtabtarynda qaralady

Bul týraly búgin Úkimet otyrysynda Kólik jáne kommýnıkatsııa mınıstri Berik Qamalıev málim etti.

Úkimet basshysy Kárim Másimovtiń sózine qaraǵanda, depýtattar korpýsy men jurtshylyq tarapynan «Eır Astana» áýe kompanııasynyń jumysyna qatysty jáne atalǵan kompanııa ushaqtarynyń keshigip ushýyna baılanysty saýaldar túsip jatady.

Óz kezeginde mınıstr B. Qamalıev atalǵan máselege baılanysty «Eır Astana» basshylarynyń, kólik prokýratýrasy ókilderiniń qatysýymen tıisti keńes ótkizilgenin aıtyp ótti. «Áýe reısteriniń ár keshigýi oqıǵasy tıisti shtabtarda qaralady. Bul shtabtar Astana men Almaty qalalaryndaǵy áýejaılarda qurylady. Osy másele boıynsha tıisti sharalardyń josparyn quramyz»,-dedi B. Qamalıev.

Mınıstr, reısterdiń keshigýine baılanysty áýe kompanııalarynyń basshylaryn jaýapqa tartý usynysy jaıynda aıtyp ótti. «Sonda ǵana biz jaýapkershilikti arttyra alamyz»,- dedi vedomstvo basshysy.

Esterińizge sala keteıik, 3 maýsymda Astananyń keleshektegi damýyna arnalǵan keńeste Elbasy Nursultan Nazarbaev «Eır Astana» áýe kompanııasynyń jumysyn synǵa alǵan bolatyn. Memleket basshysynyń sózine qaraǵanda, 2009 jyly atalǵan áýe kompanııasynyń ár segizinshi reısi ýaqytynan kesheýildegen. Al 2010 jyly ár 6-shy reıs keshigip ushqan. ıAǵnı, bul 1,5 myń bortqa jetip otyr. Osyǵan baılanysty Prezıdent Kólik jáne kommýnıkatsııa mınıstrligine atalǵan máseleni qatań baqylaýǵa alýdy tapsyrdy.