Áýe nysandaryn anyqtaý boıynsha Áýe qorǵanysy kúshterinde kenetten tekserý ótkizildi

ASTANA. QazAqparat - 31 qazanda áýe nysandaryn aıqyndaý, basyp alý boıynsha Áýe qorǵanysy kúshteriniń kezekshi kúshteri men quraldarynyń ázirligi men qabilettiliginiń jaı-kúıin kenetten tekserý júrgizildi.

QR Qorǵanys mınıstrligi baspasóz qyzmetiniń habarlaýynsha, ushaqtar (oqý nysanalary) Áýe qorǵanysy kúshterine belgisiz baǵdarlar boıynsha elimizdiń ár núktesinen ushyp shyqty. Áýe qorǵanysy kúshterine olardy basyp alý jáne shartty joıý jóninde ýaqtyly anyqtaý jáne sharalar qabyldaý tapsyrmasy berildi.

Kenetten tekserý barysynda taktıkalyq-jaýyngerlik tapsyrmalardy oryndaı otyryp, ÁQK-niń bólimshelerin dabyl boıynsha kóterýmen is-qımyldardy pysyqtaýǵa erekshe kóńil bólindi. Tosynnan tekserýge MıG-31 joıǵyshynyń ekıpajdary, Mı-17-niń 2 tikushaǵy men TL-2000-nyń 3 ushý apparaty, sondaı-aq áýe shabýylyna qarsy qorǵanys bólimderi, bólimsheleri jáne Áskerı-áýe kúshteriniń ekıpajdary tartyldy. Nátıjeleri boıynsha kenetten tekseriske qatysqan kezekshi kúshterdiń is-qımyldary talqyǵa salynady.