Áýe qorǵanysy kúshteriniń bas qolbasshysy jeke quram úshin salynyp jatqan turǵyn úı nysanynyń qurylysymen tanysty

ASTANA. 12 tamyz. QazAqparat - Avıatsııa general-maıory Nurlan Ormanbetov bastaǵan Áýe qorǵanysy kúshteri bas qolbasshysy basqarmasynyń ofıtserleri Qyzylorda jáne Aqtaý garnızondarynda shoǵyrlanǵan áskerı bólimderde boldy, dep habarlady QR Qorǵanys mınıstrliginiń baspasóz qyzmetinen.

Áýe qorǵanysy kúshteriniń bas qolbasshysy jeke quram úshin salynyp jatqan turǵyn úı nysanynyń qurylysymen jáne áskerı bólimderdiń ınfraqurylymyn aralap kórdi.

Jańaózendegi áskerı bólimde bolǵan ásker túriniń bas qolbasshysy bólimniń turmysymen, jaýyngerlik qyzmetimen, jaýyngerlik kezekshilikti júrgizý jáne áskerı tártiptiń jaǵdaıymen tanysty.

- Bólimniń jaýapty tulǵalary men ofıtserleri áskerge deıingi jastarmen turaqty túrde sabaqtar ótkizip turady. Qarýly Kúshterdiń oń bedelin qalyptastyrýǵa barynsha kóńil bólip kelemiz. Sońǵy ýaqytta kóptegen jastarymyz óz ómirin armııamen baılanystyrǵysy keledi. Alaıda, Otanymyzdyń áýe shebin qorǵaýshylarylarǵa qoıylar talap kúshti, - deıdi 51809 áskerı bóliminiń komandıri polkovnık Jasulan Bernııazov.