Áýe qorǵanysy kúshteriniń 25 paıyzy áıelder (FOTO)

ASTANA. QazAqparat - QR QK Áýe qorǵanysy kúshteriniń áýe shabýylyna qarsy qorǵanys áskerlerinde áıel áskerı qyzmetshiler Qazaqstannyń áýe shepterin kúzetý men qorǵaý jónindegi jaýyngerlik kezekshilikke túsedi, dep habarlaıdy QR Qorǵanys mınıstrliginiń baspasóz qyzmeti.

QR QK Áýe qorǵanysy kúshteri bas qolbasshysynyń basqarmasynyń málimdeýinshe, olar áskerı istiń kásipqoılary jáne beıbit ýaqytta ári aýa raıyna qaramastan shekaranyń qashyqtyǵy 12,2 myń shaqyrymdaǵy elimizdiń áýe keńistigin kúzetý jónindegi jaýyngerlik kezekshilikte turatyn áýe shabýylyna qarsy qorǵanys áskerleriniń mindetterin laıyqty túrde oryndaıdy.

«Armııada áıelderdi erkine jiberý jáne jeńildik jasaý degen uǵym joq. Barlyǵymyz eń aldymen, áskerı qyzmetshimiz jáne tıisti deńgeıde bolýǵa tyrysamyz, Qazaqstan Qarýly Kúshteriniń ózge de ásker tekteriniń aldyndaǵydaı áýe shabýylyna qarsy qorǵanys áskerleriniń aldynda ózderiniń erekshe tapsyrmalary tur jáne olardyń oryndalýyndaǵy bizdiń kásipqoılyǵymyzdan kóp nárse baılanysty», - dep atap ótti kelisimshart boıynsha qatardaǵy jaýynger Dına Túsipova.

Jalpy alǵanda, Qazaqstannyń Áýe qorǵanysy kúshterinde áıel áskerı qyzmetshiler dıspetcherlik qyzmetke, medıtsına men baılanysqa tartylǵanyn aıta ketken jón. Búginde atalǵan ásker túriniń bólimderi men quramalarynda áskerı qyzmetshilerdiń jalpy sanynyń 25 paıyzyn áıelder quraıdy. Olardyń QR QK ÁQK áskerlerindegi áskerı eńbek ótili 15-20 jyldan astam jáne júzdegen jaýyngerlik kezekshilikti ótkergen.