Áýe qorǵanysy kúshteri: jaýyngerlik daıyndyq basty nazarda
Keshendi komıssııa Almaty garnızonyna jumys sapary barysynda áskerı bólimder men bólimshelerdegi obektilerdiń, qarý-jaraqtar men áskerı tehnıkalardyń jaı-kúıin, oq-dárilerdiń saqtalýyn, jaýyngerlik kezekshilik pen áskerler qyzmetin uıymdastyrý máselelerin zerdeledi.
Jetisý garnızonyndaǵy avıatsııalyq bazada ushý jáne ınjenerlik-tehnıkalyq quramdardyń, ásirese ushqysh-nusqaýshylardyń, sondaı-aq qamtamasyz etý bólimsheleriniń daıyndyq deńgeıi tekserildi. Avıatsııalyq tehnıkany qysqy paıdalaný rejımine kóshirý boıynsha maýsymdyq jumystardyń oryndalý sapasyna basa nazar aýdaryldy.
Áýe qorǵanysy kúshterinde jańa oqý kezeńinde jaýyngerlik daıarlyqtyń qarqyndylyǵyn arttyrý kózdelip otyr. Ushý quramynyń ushý saǵattary, Áýe shabýylyna qarsy qorǵanys áskerleriniń bólimshelerinde – áýe keńistigin qorǵaýǵa baǵyttalǵan arnaıy jattyǵýlardyń kólemi ulǵaıtylatyn bolady. Bul rette barlyq sanattaǵy jeke quramnyń kásibı deńgeıin arttyrýǵa, ushý apparattaryna, qarý-jaraq júıeleri men áskerı tehnıkaǵa apatsyz qyzmet kórsetýge erekshe nazar aýdarylmaq.
Komıssııa músheleri merzimdi qyzmettegi áskerı qyzmetshilermen, jas leıtenanttarmen jáne áskerı oqý oryndarynyń serjant túlekterimen kezdesti.
Áýe qorǵanysy kúshteriniń barlyq bólimderi men bólimshelerinde jaýyngerlik daıyndyq qarqyndy túrde júrgizilmek. Ushý jáne ınjenerlik-tehnıkalyq quram oqý-jattyǵý ushýlary kezinde óz sheberligin udaıy jetildirip otyrady. Áýe shabýylyna qarsy qoǵanys áskerleriniń jeke quramy táýlik boıy eldiń áýe keńistigin búrkemeleý sharalaryn oryndaıdy.
Foto: gov.kz
