Áýe qorǵanysy kúshteri kásibı merekesin atap ótti
Áýe qorǵanysy kúshteri Memleket basshysynyń 1997 jylǵy 17 qarashadaǵy Jarlyǵymen qurylǵan.
Áýe qorǵanysy kúshteriniń aldyna elimizdiń áýe shekarasyn qorǵaý, memlekettik, ákimshilik jáne áskerı nysandardy áýe shabýylyna qarsy qorǵaý, sondaı-aq QR Qarýly Kúshteriniń basqa túrleri men tekterin avıatsııalyq qoldaý jónindegi jaýyngerlik mindetterdi oryndaý mindetteri qoıylǵan.
Áýe qorǵanysy kúshteriniń quramyna Áskerı-áýe kúshteri men Áýe shabýylyna qarsy qorǵanys áskerleri jáne áýe qozǵalysyn basqarý organdary kiredi.
Áýe qorǵanysy kúshterin qurý jaýyngerlik ázirlik máselelerinde, eń aldymen onyń tehnıkalyq quraýshysy men jaýyngerlik daıarlyǵynda alǵa qadam jasaýǵa múmkindik berdi.
Búgingi tańda Áýe qorǵanysy kúshterinde josparly túrde jaýyngerlik eseptoptardy úılestirý, barlyq ushý quramynyń synyptyq biliktiligin arttyrý, joǵary pılotaj ónerin meńgerý, shynaıy urys jaǵdaıynda avıatsııa jáne zenıttik-zymyran keshenderin qoldana bilýge daıarlaý jónindegi qarqyndy jumys júrgizilýde.
QR QK ÁQK Áskerı-áýe kúshteri qazirgi zamanǵy MıG-31, Sý-27, «S-295» ushaqtarymen, Mı-24 jaýyngerlik tikushaqtarymen, Mı-8, Mı-17 ı Mı-26 áskerı-kóliktik ushaqtarymen jáne «Evrokopter ES-145», «Hıýı-2» ushaqtarymen qarýlanǵan.
Áýe shabýylyna qarsy qorǵanys kúshteri qýatty ári zamanaýı zenıttik-zymyran keshenderimen jaraqtalǵan.
Búgingi tańda Áýe qorǵanysy kúshteri Qarýly Kúshterimizdiń eń utqyr jáne tehnıkalyq jaǵynan jaraqtalǵan túri bolyp tabylady. Onyń kúndelikti tynys-tirshiligi jaýyngerlik jattyǵýlarmen, avıatsııanyń ushýlarymen jáne zenıttik-zymyran áskrleriniń jaýyngerlik atystarymen, memleketimizdiń áýe keńistigin kúzetý jónindegi jaýyngerlik kezekshilikpen tolyqqan.
Áýe qorǵanysy kúshteriniń jaýyngerleri ózderiniń qol jetkizgen tabystarymen elimizdiń qorǵanys qabiletin nyǵaıtýǵa laıyqty úles qosyp keledi jáne olar elimizdiń egemendigi men aýmaqtyq tutastyǵynyń senimdi qorǵanysynda tur.