Áýe kompanııalarynyń tabysy 41%-ǵa azaıdy

NUR-SULTAN. QazAqparat – Áýe kompanııalarynyń jyldyq tabysy 41%-ǵa tómendedi, jolaýshylar tasymaly qyzmeti 6%-ǵa arzandady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Bıyl qańtarda elimizdiń áýe kompanııalarynyń kirisi byltyrǵymen salystyrǵanda 19,6 mlrd teńgege - 40,8%-ǵa azaıdy. Onyń ishinde jolaýshylar tasymalynan túsken tabys 17,9 mlrd teńge bolsa, júk tasymalynan 1,7 mlrd teńge kiris kirgen. Byltyr qańtarda kiris 33,1 mlrd teńge bolyp, jylyna 31,3%-ǵa artqan edi.

Bıyl qańtarda elimizde 592,1 myń adam tasymaldandy, bir jyl burynǵymen salystyrǵanda 14,1%-ǵa az. Jolaýshylar aınalymy jylyna 38,7%-ǵa qysqaryp, 845,7 mln jolaýshy-shaqyrym boldy.