Áýe kompanııalary jolaýshylardy maskamen qamtamasyz ete me
NUR-SULTAN. QazAqparat – Nur-Sultan men Almatyǵa ushatyn ár jolaýshy medıtsınalyq maskany ózi satyp alýy kerek, sebebi bir rettik maskanyń baǵasy qoljetimdi. Bul týraly Kóliktegi Bas memlekettik sanıtarlyq dáriger Sádýaqas Baıǵabylov aıtty, dep habarlaıdy QazAqparat tilshisi.
«Ártúrli sebeppen Nur-Sultan nemese Almaty qalasynan shyǵyp úlgermeı qalǵandar bar. Sondaı-aq, bıznesti damytý týraly qaýly da bar. Soǵan sáıkes ushaq issaparǵa baratyndar úshin, dárigerler úshin de kerek. Biz birtindep osyndaı qatań jaǵdaıda da ekonomıkamyzdy damytyp úırenýimiz kerek», - deıdi Sádýaqas Baıǵabylov onlaın brıfıngte.
Onyń aıtýynsha, ushaqpen ushý maqsatynda koronavırýs juqtyrmaǵany týraly anyqtama alý úshin memlekettik, jeke menshik zerthanalarmen qatar JITS ortalyqtary, Qan tapsyrý ortalyqtaryn da jumysqa tartý josparlanǵan.
«Praktıka kórsetkendeı, bul dert jas talǵamaıdy. Sol sebepti ushaqpen ushatyn otbasy músheleriniń bári test tapsyrýy kerek. Sonymen qatar, ushaq bortynda tek bir ret qana qoldanýǵa jaramdy ydystar ǵana qoldanylýy qajet. Medıtsınalyq maska taǵý talap etiledi, al medıtsınalyq qolǵap kııý týraly talap joq», - deıdi ol.
