Áýe kompanııalary bolashaqta ushaqta tártip buzǵandarǵa qaıtyp qyzmet kórsetpeýi múmkin
Іs-sharaǵa Azamattyq avıatsııa komıtetiniń, «Qazaqstannyń avıatsııalyq ákimshiligi» AQ, avıatsııa kásiporyndarynyń, «Atameken» UKP, shaǵyn avıatsııa qaýymdastyǵynyń ókilderi men ardagerler qatysty.
Ótken jyldyń qorytyndysy men 2022 jylǵa arnalǵan josparlar talqylanǵan keńes barysynda QR IIDM Azamattyq avıatsııa komıteti ushý qaýipsizdigi deńgeıin, ishki jáne halyqaralyq áýe qatynasyn arttyrý, áýe kóligi ınfraqurylymyn jańǵyrtý baǵytynda atqarylyp jatqan jumystar jóninde baıandady.
Komıtet tóraǵasy Talǵat Lastaev keltirgen derekter boıynsha, IKAO-nyń Úılestirilgen valıdatsııalyq mıssııasy sheńberinde halyqaralyq aýdıtorlardyń táýelsiz tekserýi qorytyndysynda Qazaqstan ushý qaýipsizdigin qamtamasyz etý deńgeıin 84%-ǵa deıin kóterdi. Bul - ortasha álemdik kórsetkishten 15% joǵary.
Zańnamalyq jumystar sheńberinde ushqyshsyz ushatyn apparattardy paıdalanýdy retteý normasyn, atap aıtqanda sertıfıkattaý rásimin engizý, qashyqtan sáıkestendirýge qoıylatyn talaptardy belgileý jáne olardy paıdalanatyn aımaqtardy aıqyndaý qarastyrylýda.
Sondaı-aq, áýe kompanııalaryna ushýǵa shekteý qoıylatyn adamdardyń jeke tizimin jasaýǵa múmkindik beretin norma engizilmek. Oǵan ushaqta tártip buzǵan jáne onysy zańmen dáleldengen adamdar ǵana enýi tıis.
Elimizde áýe kóligi ınfraqurylymyn jańǵyrtý aıasynda qazir 6 nysanda jumystar júrip jatyr. Olar - Shymkent áýejaıynyń jańa termınalynyń qurylysyn, Oral áýejaıynyń termınalyn, Qostanaı áýejaıynyń aerovokzal keshenin, Óskemen áýejaıynyń ushý-qoný jolaǵyn, Úrjar jáne Úsharal áýejaılaryn jańǵyrtý jobalary.
Keńeste salany áýe otynymen qamtamasyz etý, tarıftik saıasat jáne mamandarǵa qatysty máseleler talqylandy. Jyl saıyn munaı óńdeý zaýyttaryndaǵy jóndeý jumystaryna baılanysty avıaotyn tapshylyǵy týyndaıdy. Qazir jaǵdaıy birshama turaqtandy, alaıda máseleni júıeli sheshý úshin QR IIDM qysqa jáne uzaq merzimdi perspektıvaǵa usynystar daıyndap, olar QR Energetıka mınıstrligimen birge pysyqtalýda.
Aldaǵy eki jylda ushý qaýipsizdigi standarttaryna sáıkestik deńgeıin 90%-dan asyryp, IKAO aýdıtinen sátti ótý negizgi mindet bolyp otyr. AQSh-qa tikeleı reıster ashý sheńberinde Qazaqstannyń avıatsııalyq ákimshiligi men AQSh-tyń kólik qaýipsizdigi ákimshiligi arasyndaǵy yntymaqtastyq jalǵasady.
«Sondaı-aq, «Qýatty óńirler - el damýynyń draıveri» ulttyq jobasy aıasynda álemdegi epıdemıologııalyq jaǵdaıdyń jaqsarýyna jáne ınfraqurylymdyq obektilerdiń jańǵyrtylýyna qaraı pandemııaǵa deıingi deńgeıdegi halyqaralyq qatynasty qalpyna keltirý jumystary jalǵasady»,-delingen habarlamada.
