Áýe kompanııalary qandaı jaǵdaıda múgedektigi bar jandarǵa jeńildik usynady
ASTANA. KAZINFORM – Kólik mınıstri Nurlan Saýranbaev áýe kompanııalary múgedektigi bar adamdarǵa qandaı jaǵdaıda jeńildik usynatynyn aıtty.
- Avıatsııa salasynda áýejaılardyń qoljetimdilik deńgeıi kóterilip jatyr. Olar negizgi elementtermen qamtamasyz etilgen. 10 áýejaıda múgedekterge qyzmet kórsetý úshin 13 ambýlıft bar, - dedi ol Úkimet otyrysynda.
Mınıstr bıyl Shymkent, Semeı, Aqtaý, Oral, Taldyqorǵan, Jezqazǵan qalalaryndaǵy áýejaılarda da ambýlıft ornatylatynyn aıtty.
- Áýekompanııalar erikti negizde korporatıvtik baǵdarlamalar boıynsha avıabıletterge jeńildikter beredi, - dedi Nurlan Saýranbaev.
Sondaı-aq, búgingi Úkimet otyrysynda Premer-mınıstr Oljas Bektenov jeke kompanııalardy muqtaj adamdardy qoldaýǵa shaqyrdy.
