Áýe kólikteriniń qyzmeti bir jylda 20%-ǵa qymbattady
Qyrkúıek aıynda jolaýshylar tasymaly 1 mln adamdy qurady — bir jyl ishinde 24,1%-ǵa kóbeıdi, biraq osy jyldyń tamyzyna qaraǵanda 9,8%-ǵa az, dep habarlaıdy QazAqparat finprom.kz saıtyna silteme jasap.
Jolaýshylar aınalymy 14,4 mlrd pkm (1 km – jolaýshy-kılometr ólshemi) qurady — ótken jylmen salystyrǵanda 32,2%-ǵa artyq. Qyrkúıek aıynda bul kórsetkish 1,9 mlrd pkm-ge jetti - ótken jylmen salystyrǵanda birden 41,2%-ǵa ósken.
Toǵyz aıdyń qorytyndysy boıynsha júk pen bagajdy áýe kóligimen tasymaldaý 17,3 myń tonnany qurady — bul ótken jylmen salystyrǵanda 31,1%-ǵa az. Qyrkúıek aıynda tasymaldaý ótken jyldyń qyrkúıegimen salystyrǵanda 15,9%-ǵa jáne bir aıda 11,7%-ǵa, 2,1 myń tonnaǵa deıin tómendedi.
Osy jyldyń qańtar–qyrkúıek aılarynda júk aınalymy 39 mln pkm boldy — ótken jylmen salystyrǵanda 30%-ǵa az. Qyrkúıek aıynda júk aınalymy 9,2%-ǵa, 4,9 myń tonnaǵa deıin tómendedi.
Bıyl áýe kóligi kásiporyndarynyń kirisi 421,6 mlrd teńgege jetti. Byltyr bul soma 265,7 mlrd teńge bolǵan. Quny boıynsha ósim bir jyl ishinde 58,7% qurady. Osy jyldyń aı saıynǵy dınamıkasynda sektordaǵy kompanııalardyń eń kóp tabysy tamyz aıynda, eń azy qańtarda tirkeldi.
Bıylǵy qyrkúıek aıynyń qorytyndysy boıynsha áýe jolaýshylar kóligi qyzmetteriniń baǵasy jyldyq qarqynmen 20,4%-ǵa ósti.
Baǵa Túrkistan oblysynda qatty qymbattaǵan: bir jylda birden 49,3%-ǵa artyq. Antılıderlerdiń úshtigine Shymkent (plıýs 46%) jáne Aqtóbe oblysy (plıýs 45,9%) kirdi. Baǵanyń aıtarlyqtaı ósýi Almatyda (plıýs 45,1%) jáne Shyǵys Qazaqstan oblysynda (plıýs 38,8%) baıqaldy.
Soǵan qaramastan, Pavlodar oblysynda baǵa bir jylda 23,6%-ǵa, Ulytaýda — 18,7%-ǵa, Almatyda — 13,4%-ǵa, Qaraǵandyda - 6,7%-ǵa, Atyraýda - 4,2%-ǵa tómendedi.