Áýe kóliginiń bıletteri arzandaıdy - IATA
ASTANA. QazAqparat - Munaı baǵasynyń tómendeýi úderisi aıasynda áýe kóligi bıletteriniń quny da tómendeıdi. Bul týraly Halyqaralyq áýe kóligi qaýymdastyǵynyń (IATA) taratqan málimetterinde habarlandy.
Onyń baǵalaýy boıynsha áýe kompanııalary otynǵa qosymsha alymdardy jolaýshylar reısteri úshin ortasha eseppen 5 paıyzǵa jáne júk tasymalyna 5,8 paıyzǵa qysqartady.
Bul óz kezeginde tasymal kólemin arttyrýdy yntalandyrady. Álemdegi áýe kompanııalarynyń 85 paıyzyn (álem boıynsha 240 áýe kompanııalary) biriktirip otyrǵan osy qaýymdastyqtyń málimetine qaraǵanda, 2014 jylda saladaǵy jıyntyq kiristiń boljamy 18 mlrd. AQSh dollarynan 20 mlrd. dollarǵa deıin artady. Munaı baǵasynyń quldyraýy saldarynan 2015 jyly onyń kórsetkishi 25 mlrd. dollarǵa deıin jetedi dep kútilýde.
