Áýe kemesine Dına Nurpeıisovanyń esimi berildi
ALMATY. 27 qyrkúıek. QazAqparat - Bul aıda «Eır Astananyń» áýe parkin toltyrǵan Embraer 190 áýe kemesi Qazaqstan boıynsha jáne kórshiles elderge reıske shyǵa bastady.
Áýe kemesine ataqty kúıshi Dına Nurpeıisovanyń esimi berildi, dep habarlaıdy áýe kompanııasynyń baspasóz qyzmetinen.
Bul áýe tasymaldaýshynyń flotyndaǵy besinshi Embraer 190 ushaǵy boldy.
Birinshi Embraer 190 osynda 2011 jyldyń naýryzynda ákelingen bolatyn.
«Embraer 190 jańa áýe kemesi - bul atalǵan tıptegi kezekti ushaq qana emes. Uly kúıshi Dına Nurpeıisovanyń talanty men ólmes shyǵarmalaryna qurmet jáne taǵzym kórsetý retinde ushaqqa onyń esimin berýdi sheshtik. Osylaısha, biz «Eır Astana» áýe kompanııasynyń ushaqtaryna Qazaqstannyń tanymal áıelderiniń esimderin berýdi dástúrge aınaldyra bastadyq. Jeńis kúnine qarsy biz áýe tasymaldaýshysynyń Qazaqstanǵa 2012 jyldyń kúzinde keletin jeke ushaǵyna tarıhta esimi saqtalǵan ushqysh Hıýaz Dospanovanyń esimin berýdi sheshtik», - dep túsinik berdi bul oqıǵaǵa «Eır Astana» AQ kompanııasynyń prezıdenti Pıter Foster.
Jańa áýe kemesi Astanadan Pavlodarǵa, Jezqazǵanǵa, Ombyǵa, Ekaterınborǵa, Novosibirge jáne aldaǵy ýaqytta Orynborǵa ushatyn bolady.
