Áýe kemesi komandıriniń borttaǵy buzaqyny «táýbesine» keltirý quqyǵy keńeıedi
ASTANA. QazAqparat - Áýe kemesi komandıriniń bortaǵy buzaqyny «táýbesine» keltirý quqyǵy keńeıedi. Bul týraly Azamatyq avıatsııa komıtetiniń tóraǵasy Talat Lastaev aıtty, dep habarlaıdy QazAqparat tilshisi.
Aıta keterligi, búgin QR Parlamenti Senaty Konstıtýtsııalyq zańnama, sot júıesi jáne quqyq qorǵaý organdary jónindegi komıtetiniń otyrysy ótti. Onda «Áýe kemesi bortynda jasalatyn qylmystar men ózge de birqatar akti týraly konventsııany jáne Áýe kemesi bortynda jasalatyn qylmystar men ózge de birqatar akti týraly konventsııany ózgertetin hattamany ratıfıkatsııalaý týraly» Zań jobasy qaraldy.
«Konventsııanyń negizgi maqsaty - áýe kemesiniń bortynda jasalatyn qylmystarǵa jáne áýe kemesin basyp alý men aıdap áketý qylmystaryna qarsy áreket etý. Degenmen, bizdiń zańnamamyz mundaı máselelerdiń barlyǵyn qamtıdy. ıAǵnı, barlyq qylmystardyń aldyn alýǵa negizdelgen. Alaıda, biz bul konventsııaǵa eń aldymen ICAO halyqaralyq azamattyq avıatsııa uıymynyń aldyndaǵy mindettememizdi oryndaý úshin qosylamyz. Ekinshiden, áýe kemesi komandıriniń buzaqyǵa plastmassadan jasalǵan kisen qoldaný syndy shekteý sharalaryn qoldaný quqyǵy keńeıtiledi», - deıdi otyrystan keıin BAQ ókilderine suhbat bergen QR IDM Azamattyq avıatsııa komıtetiniń tóraǵasy Talǵat Lastaev.
Komıtet basshysynyń sózine qaraǵanda, ushý qaýipsizdigine qater tónetin bolsa, onda ekıpaj komandıri men músheleri, qaýipsizdik qyzmetiniń qyzmetkerleri, tipti jolaýshylar da buzaqyny tynyshtandyrý úshin aqylǵa qonymdy sharalardy qoldanýǵa quqyǵy bar.
Sonymen qatar, ol bul konventsııany ratıfıkatsııalaý nátıjesinde kompıýterlik júıege kirý arqyly jasalatyn kıbershabýyldarǵa tosqaýyl qoıylatyndyǵyn aıtty.
«Kıbershaýylǵa qarsy arnaıy júıe, qorǵanys sharalary qabyldanǵan. Kásiporyndarymyzda kıbershabýyldarǵa qarsy áreket etetin arnaıy mamandar da bar. Al áýe qozǵalysynyń navıgatsııasyna keler bolsaq, onda joǵardy atalǵan shabýyldardy toıtaratyn bólimshe jumys isteıdi», - dedi Talǵat Lastaev.
