Áýe apatynyń ornynda 12 adamnyń múrdeleri ǵana bútin kúıinde tabyldy, qalǵandaryn sáıkestendirý úshin saraptama ótkizý qajet bolýy múmkin
TALDYQORǴAN. 29 qańtar. QazAqparat - Almaty oblysynyń Talǵar aýdanyna qarasty Qyzyltý kentiniń janynda «SCAT áýe kompanııasy» AQ-nyń ıeligindegi Challenger-200 jolaýshylardy tasymaldaýǵa arnalǵan áýe kemesi qulady.
DV 760 reısi «Kókshetaý-Almaty» baǵytymen ushty. Ushaq ońtústik astananyń áýejaıyna saǵat 12:50-de qonýy tıis edi. 50 oryndyq kemeniń ishinde 16 jolaýshy, sonyń ishinde Ázirbaıjannyń azamaty bolyp tabylatyn 2 jasar bala, sondaı-aq ekıpajdyń bes múshesi boldy.
Eki saǵattyq tosýdan keıin ushaqtyń qulaǵan ornyna qutqarýshylar jiberildi. Olar áýe apatynda qaza tapqandardyń múrdelerin taqtaıshalarmen belgiledi. Bul sátke deıin sarapshylar men tergeý-jedel toby jumys istedi.
Quqyq qorǵaý organdaryndaǵy derekkózden habarlaǵandaı, 12 adamnyń múrdesi ǵana bútin kúıinde tabyldy, qalǵandardyń bólikteri sáıkestendirý ótkizý úshin jınalady. Bul úshin genomdyq saraptama jasalýy múmkin.
