Áýe apatynda qaza tapqandardyń denesin East Wing kompanııasy ushaqpen jetkizedi

Bul týraly East Wing kompanııasynyń prezıdenti Vıtalıı Masalıtın aıtty.

«Qazir qaza bolǵandardyń týysqandarymen habarlasa bastadyq. Tergeý protsesine sáıkes, jaqyndary múrdelerdi anyqtady. Osy protses bitken soń qaza bolǵandardyń denesin alyp ketýge ruqsat beriledi. Biz óz ushaqtarymyzben jetkizýimiz múmkin», - dedi Vıtalıı Masalıtın.

Qazir ekıpaj kapıtany Gennadıı Tsoı men avıatehnık Ahmatbaevtyń týǵandary Qyrǵyzstannan kele jatyr.

Al qazaqstandyq ushqysh Evgenıı Kýtafınniń týǵandary Oraldan kele almaıtyny belgili boldy.

«Kýtafınniń anasy naýqas. Ol kele almaıdy. Biz ózimiz sol jaqtan DNQ materıal alyp, múrdeni anyqtaýǵa bar kúshti salyp jatyrmyz. Keıinirek ózimiz olardyń týysqandaryna baramyz», - dedi V.Masalıtın.

Kompanııa prezıdentiniń aıtýynsha, Tsoı AN-28 tıpindegi ushaqtarda 12 myń saǵat ushqan. «Ushqysh Kýtafın Oral qalasynyń týmasy, 30 jastaǵy maman áýede 400 saǵat ótkizgen. Avıatehnık te AN-28 ushaǵynda tájirıbesi kóp. Qazaqstanda 5 jyl jumys jasaǵan»,- dedi ol.

East Wing kompanııasy qaza bolǵandardyń otbasyna barynsha qarjylyq jáne basqalaı kómek kórsetemiz dep sendirip otyr.

Eske salaıyq, 3 qazan kúni Almaty-Shymkent baǵytynda sanıtarlyq avıareısin oryndaǵan «An-28» ushaǵy saǵat 18:47-de Almatydan 28 shaqyrym qashyqtyqta radardan joǵalyp ketti.  Sosyn saǵat 19.15-te ushaq Almaty oblysy Іle aýdanynyń Mejdýrechınsk aýyly mańynda apatqa ushyrap , órtengeni habarlandy. Bortta bolǵan 5 adam ekıpaj músheleri - áýe kemesiniń komandıri Gennadıı Tsoı, ekinshi pılot Evgenıı Kýtafın, avıatehnık Beıshıbek Ahmatbaev, Akýsherııa, gınekologııa jáne perınatalogııa ǵylymı ortalyǵynyń professory, dáriger akýsher-gınekolog Talǵat Anapıuly Patsaev men Kardıologııa jáne ishki aýrýlar ǵylymı-zertteý ınstıtýtynyń reanımatology Jánibek Túkenuly Artyqbaev sol jerde qaıtys boldy.

Dərigerler OQO-daǵy jas bosanyp aýyr jaǵdaıda jatqan kelinshekti qaraýǵa shaqyrtylǵan.