Áýe apatynan qaza bolǵan ofıtserlerdiń otbasy múshelerine páter kilti tabystaldy
22 tamyzda avıatsııa apatynan qaza bolǵan ofıtserlerdiń otbasy múshelerine «Dostar» turǵyn úı kesheninen eki bólmeli páterlerdiń kiltin tabystady. Bul jaıynda QR Qorǵanys mınıstrliginiń málimetterinde habarlanǵan.
«Jaýyngerlik jáne qyzmettik boryshtaryn atqarý kezindegi kórsetken janqııarlyqtary men erlikteri úshin, Qazaqstan Respýblıkasy Prezıdentiniń Jarlyǵymen avıatsııa apatynan qaıtys bolǵan MI-17 tikushaǵy ekıpajynyń ofıtserleri II dárejeli «Aıbyn» ordenimen marapattaldy», - dedi avıatsııa general-maıory Alsaı Jumanov.
«Alaıda jaýynger dostarymyz, tikushaq toby-ushaq komandıri kapıtan Talǵat Dosanov, aǵa leıtenanttar ushqysh-shtýrman Erkin Mahambetnııazov jáne borttyq avıatsııalyq tehnık Janbota Qasymov qaıta oralmaıdy. Bizdiń esimizde! Máńgi esimizde qalady!», - dedi general-maıor.
Apattan qaza bolǵan ofıtserlerdiń ata-analary jáne jaqyndary turaqty qoldaý kórsetip, nazar aýdarǵandary úshin Qazaqstan Armııasynyń basshylyǵyna alǵystaryn bildirdi.
Tikushaq ekıpajynyń ushý kezindegi kúrdeli sátte joǵary jaýapkershilik tanytyp, tikushaqty qondyrýǵa bar kúsh-jigerlerin jumsap óz boryshtaryn sońǵy demderi bitkenshe adal atqarǵandyqtaryn eske salamyz.