Áýe apatynan aman qalǵan qaqpashy protez aıaqpen gol soqty

ASTANA. QazAqparat - Brazılııanyń «Shapekoense» komandasynyń áýe apatynan aman qalǵan qaqpashysy Jakson Folman qaıyrymdylyq matchyna qatysyp, gol soqty, dep habarlaıdy Losandes.com .

Qaıǵyly oqıǵadan keıin fýtbolshyǵa protez aıaq salynǵan bolatyn. Kezdesýde qaqpashy goldy sol jasandy aıaǵymen soqty.

Qaıyrymdylyq matchyna bir jyl burynǵy jan túrshigerlik apattan aman qalǵan taǵy eki fýtbolshy Rýsshel men Netý de qatysty.

Eske sala ketsek , 2016 jylǵy 28 qarashada Kolýmbııada 72 jolaýshy mingen ushaq qulady, onyń ishinde brazılııalyq "Shapekoense" fýtbol klýbynyń oıynshylary bolǵan. «Shapekoenseniń» eki qaqpashysy Danılo (aýrýhanada qaıtys boldy) men Jakson Folman jáne eki qorǵaýshysy Alan Rýsshel men Netý, sondaı-aq taǵy birneshe adam qutqarylǵan edi.