Áýe apatyna ushyraǵan ana men bala bes kúnin qalyń ormanda ótkizgen
ASTANA. QazAqparat - Jas ana balasymen Kolýmbııalyq Alto-Baýdo mýnıtsıpalıteti aýmaǵyndaǵy qalyń ormanda bolǵan jeńil motorly Cessna ushaǵynyń apatynan keıin qutqarýshylar olardy tapqansha, bes kún sol jerde kúneltken.
18 jastaǵy Nellı Mýrılo jeńil jaraqattanǵan. Qutqarýshylar buǵan tańdanystaryn jasyra almady. Al bir jasar balasy ıÝdıer Moreno din aman.
Eki motorly ushaq senbide Alto-Baýdo mýnıtsıpalıteti - Kıbdo qalasy ákimshilik ortalyǵynan eldiń tynyq muhıty jaǵalaýyndaǵy Nıkıge ishki reıspen ushqan.
Ushqysh Karlos Marıo Sebalos ormandaǵy apat kezinde qaza tapty. Bul keleńsiz jaǵdaıdyń sebepteri ázirge belgisiz.
Qazir anasy men balasy Kıbdodaǵy aýrýhanada jatyr, dep habarlady Bı-bı-sı.
