Áýe apatynan keıin tıisti jumystar der kezindegi atqaryldy – Senat tóraǵasy

ASTANA. KAZINFORM – Aqtaý qalasynyń mańyńda Azerbaijan Airlines ushaǵy apatqa ushyraǵannan keıin, tıisti organdar dereý iske kirisip, qutqarý operatsııa aıasynda qajet sharalar qabyldandy. Bul týraly Senat tóraǵasy Máýlen Áshimbaev málim etti.

- Keshe Mańǵystaý oblysynda bolǵan ushaq apaty bárimizdiń qabyrǵamyzdy qaıystyryp ketti. Ókinishke qaraı, apat saldarynan ekıpaj músheleri men jolaýshylar qaza tapty. Olardyń arasynda Qazaqstan azamattary da bar ekeni belgili. Osyǵan baılanysty barlyq qaza tapqandardyń otbasylary men jaqyndaryna qaıǵylaryna ortaqtasyp, kóńil aıtamyz, - dedi M.Áshimbaev Senattyń jalpy otyrysynda.

Bul turǵyda ol tótenshe jaǵdaıǵa baılanysty Prezıdent Qasym Jomart Toqaevtyń tapsyrmasymen memlekettik komıssııa qurylǵanyn eske saldy.

- Soǵan sáıkes tıisti organdar dereý iske kirisip, qutqarý operatsııa aıasynda qajet sharalar qabyldandy. Der kezinde qolǵa alynǵan osyndaı jumystar zardap shekkenderdiń tezirek saýyǵyp ketýine oń áserin tıgizedi dep senemiz jáne tilektestigizdi bildiremiz, - dedi Senat tóraǵasy.

Aıta keteıik, 25 jeltoqsanda Senat spıkeri Máýlen Áshimbaev Aqtaýdaǵy ushaq apatynan qaza tapqandardyń jaqyndaryna kóńil aıtty. 

Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan Azerbaijan Airlines ushaǵy Qazaqstan aýmaǵynda apatqa ushyrady.

Aqtaýdaǵy ushaq apatynyń hronologııasy jarııalandy. 

Aqtaýdaǵy áýe apatynan mert bolǵan qazaqstandyqtar anyqtaldy. 

Keıinnen ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.

Memleket basshysy Qasym-Jomart Toqaev Ázerbaıjan Prezıdenti Ilham Álıevke kóńil aıtty.