Áýe apaty bárimizdiń kóńilimizdi jabyrqatty — Máýlen Áshimbaev

ASTANA. KAZINFORM – Senat spıkeri Máýlen Áshimbaev Aqtaýdaǵy ushaq apatynan qaza tapqandardyń jaqyndaryna kóńil aıtty.  

— Aqtaý qalasynyń mańyńda bolǵan áýe apaty bárimizdiń kóńilimizdi jabyrqatqany anyq. Tótenshe oqıǵa saldarynan qaza tapqandardyń otbasylary men jaqyndaryna qaıǵylaryna ortaqtasyp, kóńil aıtamyn jáne zardap shekkenderdiń tezirek saýyǵyp ketýlerine tilektestigimdi bildiremin. Prezıdentimiz Qasym-Jomart Kemeluly Toqaevtyń tapsyrmasymen osy oqıǵaǵa baılanysty arnaıy komıssııa quryldy. Sondaı-aq Memleket basshysy Astanadan Aqtaýǵa dárigerler men medıtsına mamandaryn shuǵyl jetkizý jóninde tıisti organdarǵa naqty mindet júktedi. Soǵan sáıkes qazir zardap shekkenderge qajetti kómek kórsetý jumystary júrgizilip jatyr. Qolǵa alynǵan osy sharalar aýrýhanaǵa túskenderdiń saýyǵyp shyǵýyna oń septigin tıgizedi dep senemiz. Endi mundaı qaıǵyly oqıǵalar eshqashan qaıtalanbasyn, - dep jazdy ol. 

Máýlen Áshimbaev sondaı-aq qaıǵyly jaǵdaıdan japa shekkenderge qol ushyn sozyp, óz erikterimen qan tapsyryp jatqan Mańǵystaý oblysynyń turǵyndaryna rızashylyǵyn bildirdi.  

Buǵan deıin Aqtaýdaǵy ushaq apatynyń hronologııasyn usynǵan edik.

Mańǵystaý oblysynyń Densaýlyq saqtaý basqarmasy Aqtaý mańyndaǵy ushaq apaty bolǵan jerden 4 adamnyń denesi tabyldy.

Memleket basshysy Qasym-Jomart Toqaev Ázerbaıjan Prezıdenti Ilham Álıevke kóńil aıtty.

Aıta keteıik, QR Prezıdentiniń tapsyrmasymen áýe apatyna baılanysty Memlekettik komıssııa quryldy.

Elordalyqtar Aqtaý mańyndaǵy ushaq apatynan zardap shekken jandarǵa kómek retinde jappaı qan tapsyryp jatyr.