Áýe akrobaty Nıagara sarqyramasynyń ústimen júrip ótti
ASTANA. 17 maýsym. QazAqparat - Áýe akrobaty Nık Vallenda arqanǵa shyǵyp, Nıagara sý sarqyramasynyń ústimen júrip ótti. 50 metr bıiktiktegi 600 metr qashyqtyqty júrip ótýi úshin jarty saǵattan asa ýaqyt ketken. Bul týraly Habar agenttigi málimdedi.
Sarqyrap aqqan sý, qosalqy arqandar men saqtandyrǵysh quraldardyń bolmaýy úlken qaýip tóndirdi. Nık Vallendanyń bul erligin kórý úshin Nıagara sarqyramasynyń Kanada jaǵyna 125 myń adam, al AQSh jaǵyna 4 myń adam jınaldy. Osy sharany uıymdastyrǵan AVS telearnasy áýe akrobatynyń erligin tikeleı efırde kórsetti. Nık Vallenda sarqyramanyń ústimen júrip ótýdi uzaq jyldar boıy armandaǵanyn aıtady. Sońǵy ret Nıagara sarqyramasynyń ústimen júrip ótý 1896 jyly bolǵan, sol kezden beri mundaı qylyqtarǵa tyıym salynǵan edi. Kanada men AQSh úkimet ókilderi alǵashynda Nık Vallendaǵa ruqsat bergisi kelmegen, biraq aqyrynda óz sheshimin ózgertti.
