Aýdıtorlyq tekseris 154 mlrd teńgeniń qarjylyq buzýshylyǵyn anyqtady
NUR-SULTAN. QazAqparat – Bıýdjet qarajatynyń jumsalýyna júrgizilgen aýdıtorlyq tekseris 154 mlrd teńgeniń qarjylyq buzýshylyǵyn anyqtady. Bul týraly búgin Úkimet otyrysynda QR Premer-Mınıstriniń birinshi orynbasary – Qarjy mınıstri Álıhan Smaıylov aıtty, dep habarlaıdy QazAqparat tilshisi.
«Bıýdjet qarajatynyń jumsalýy turaqty baqylaýda. Esepti kezeńde aýdıtorlyq sharalardyń qorytyndysymen 154 mlrd teńgege qarjylyq buzýshylyqtar anyqtaldy», - dedi ol.
Mınıstr dereginshe, onyń 140 mlrd teńgesi aýdıt barysynda qalpyna keltirilgen.
«Júrgizilgen kameraldyq baqylaýdyń nátıjesinde 465 mlrd teńgege memlekettik satyp alý boıynsha buzýshylyqtarǵa jol berilmedi», - dedi Álıhan Smaıylov.
