Aýdıtorlar memlekettik satyp alý saıtynan 1 trln teńgeniń zańsyzdyǵyn anyqtaǵan

Qarjy mınıstrligi Іshki memlekettik aýdıt komıteti tóraǵasynyń orynbasary Renad Ahmetov 8 aıda memlekettik satyp alý lottarynan 1 trln teńgeniń zańsyzdyǵyn anyqtalyp, joly kesilgenin aıtty, dep habarlaıdy QazAqparat tilshisi.

«Jyl basynan beri kameraldyq baqylaý sheńberinde 10,1 trln teńgege 353,1 myń memlekettik satyp alý loty qamtyldy. Sonyń qorytyndysy boıynsha tıisti habarlamalardy joldaý arqyly 46,1 myń lot boıynsha jalpy quny 1 trln teńge bolatyn buzýshylyqtyń joly kesildi», - dedi Renad Ahmetov.

Onyń aıtýynsha, memlekettik satyp alý salasyndaǵy júıeli buzýshylyqtardyń eń jıi kezdesetinderi mynalar:

- jekelegen áleýetti ónim berýshige artyqshylyq berý;

- áleýetti jetkizýshiler úshin jumys tájirıbesin qate qoldaný;

- negizsiz talaptardy belgileý arqyly áleýetti ónim berýshiler sheńberin taryltý;

- tikeleı shart jasasý jolymen bir kózden alý tásilimen sharttardy negizsiz jasasý.