Aýdıtorlar memlekettik qarjylyq baqylaý máseleleri boıynsha yntymaqtastyq sıpattaryn talqylaıdy
ASTANA. Maýsymnyń 2-si. QazAqparat /Ernur Aqanbaı/ - Eýropa odaǵy Aýdıtorlar palatasy prezıdentiniń jáne Belgııanyń Aýdıtorlar palatasy prezıdentiniń shaqyrýymen QR Respýblıkalyq bıýdjettiń atqarylýyn baqylaý jónindegi Esep komıtetiniń tóraǵasy Omarhan Óksikbaev maýsymnyń 7-9 kúnderi Belgııa koroldigine jáne Lıýksembýrgke resmı saparmen barady,
dep habarlaıdy QazAqparat.
Esep komıteti baspasóz qyzmetiniń málimetinshe, sapary aıasynda Komıtet tóraǵasy O. Óksikbaev Eýropa odaǵynyń Aýdıtorlar palatasynyń prezıdenti Vıtor Kaldeıra, Belgııanyń Aýdıtorlar palatasynyń prezıdenti Ignas Desomermen kezdesedi.
Atalmysh kezdesýler barysynda taraptar memlekettik qarjylyq baqylaý máseleleri boıynsha yntymaqtastyqtyń sıpattaryn talqylaıdy. Tıimdilik baqylaýyn ótkizýdiń tájirıbesimen almasý josparlanyp otyr. Kadrlardy kásibı oqytý jáne olardyń biliktiligin arttyrý salasynda ózara is-qımyldaryn jandandyrý týraly ýaǵdalastyqqa qol jetkiziletin bolady. Sonymen qatar, aldaǵy kelissózderde Qazaqstannyń, Belgııanyń jáne Eýropa Odaǵynyń qarjylyq baqylaýynyń joǵary organdarynyń basshylary memlekettik qarjylyq baqylaý júıesin jetildirýdiń halyqaralyq tájirıbesin talqylaýǵa nıet bildirip otyr.
