Audi A6 kóliginiń dızaıneri erekshe kózdildirik oılap tapty
ASTANA. QazAqparat - Japonııada adamnyń qanshalyqty sharshaǵandyǵyn anyqtaıtyn arnaıy kózildirikti oılap tapty. Bul jańashyldyqtyń avtory - Audi A6 kóliginiń dızaınyn jasaǵan Satosı Vada.
Kózildiriktiń jıekteri adam kózin qanshalyqty jıi ashyp-jumatynyn , elektroáleýeti men kóz bulshyq etteriniń qalaı ózgeretinin baqylap otyratyn birqatar sensormen jabdyqtalǵan. Bul málimetter Bluetooth 4.0 arqyly planshetke (smartfonǵa) jiberiledi.
Osylaısha, adam aǵzanyń sharshaǵandyǵyn arnaıy tehnıkalyq qosymshanyń kómegimen bile alady, dep habarlady sheteldik BAQ.
Ǵalymdar buny kólikpen saıahattaıtyndar úshin qajetti qural dep esepteıdi. Sharshap, qalǵyp ketip apatqa ushyraıtyndardyń aldyn alýyna septigi tıedi degendi alǵa tartady. Sondaı-aq mundaı kózilikter sportshylar men fıtnespen shuǵyldanatyn adamdarǵa da artyqtyq etpeıdi. Jabdyq olarǵa aǵzany sharshatpaı, bir qalypty ustap turýǵa kómektesedi. Kózildiriktiń batareıasy 8 saǵatqa jetedi. Atalǵan qurylǵy shamamen bir jyldan keıin satylymǵa shyǵady.
