Aýdaryspaqtan Azııanyń absolıýtti chempıony Birjan Qosalıev sý jańa «Toıota» kóligin mindi
ASTANA. QazAqparat - Búgin Astanadaǵy «Qazanat» ıppodromynda tuńǵysh ret Aýdaryspaqtan І ashyq Azııa chempıonaty ótti.Tartysqa toly jarysta Azııa chemıonatynyń bas júldesi men absolıýtti chempıony ataǵyn Qazaqstan palýany Birjan Qosalıev jeńip aldy. Oǵan chempıonattyń «Altyn belbeýi» taǵylyp, sý jańa «Toıota» jeńil kóligi syıǵa tartyldy, dep habarlaıdy «Nur Otan» partııasynyń baspasóz qyzmeti tvıtterdegi paraqshasynda.
«Aýdaryspaqpen shuǵyldanyp júrgenime bes jyldaı boldy. Osy ýaqyt aralyǵynda Qazaqstannyń eki márte chempıony ataǵyn jeńip aldym. Azııa chempıonatyna eki aıdyń shamasynda daıyndyq júrgizdim. Jeńiske jetýimniń bir syry, palýandardyń ádis-aılasyn tanyp, álsiz tustaryn muqııat qadaǵalap otyrdym», - dedi jeńimpaz. Búgingi kúnde aýdaryspaq tek Qazaqstanda emes, sondaı-aq Aýǵanstan, Ázirbaıjan tipti Vengrııa memleketterinde damyp, úlken qyzyǵýshylyq týdyrýda. Chempıonaqta tyń daıyndyqpen kelgen Mońǵolııa komandasy ózderiniń myqty qarsylas ekendikterin tanyta bildi. Aıta keteıik, aýdaryspaqtan ІІ Azııa chempıonaty arada eki jyldan soń, ıaǵnı 2016 jyly Qytaıda ótetin boldy.
