Aýdarmashylar úshin Skills Enbek platformasynda kýrstar paıda boldy

«Eńbek resýrstaryn damytý ortalyǵy» AQ Qazaqstan aýdarma akademııasymen onlaın-bilim berýdi damytý boıynsha memorandýmǵa qol qoıdy. Endi Skills Enbek platformasynda aýdarmashylardyń biliktiligin arttyrý úshin kýrstar katalogy keńeıtiledi, dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetinshe, Qazaqstan aýdarma akademııasy Ortalyq Azııa aýmaǵynda qosymsha kásiptik bilim berý jáne bilikti aýdarmashylardy oqytý qyzmetterin usynady. Kýrstardy tájirıbeli otandyq jáne sheteldik oqytýshylar men aýdarmashylar ázirlegen.

Málimetke súıensek, onlaın oqytý qazaqstandyqtarǵa biliktiligin arttyrýǵa, praktıkalyq daǵdylardy alýǵa jáne jańa salada óz mansabyn bastaýǵa múmkindik beredi.

Eske salaıyq, Skills Enbek platformasy marketpleıs qaǵıdaty boıynsha kýrstarǵa qoljetimdilik beretin halyqaralyq oqytý alańdarynyń qazaqstandyq balamasy bolyp tabylady. Platformada kez kelgen adam oqı alady jáne oqýdy aıaqtaǵannan keıin alynǵan sertıfıkattar men daǵdylar Elektrondyq eńbek bırjasyndaǵy túıindemede avtomatty túrde kórsetiledi.

Skills Enbek iske qosylǵannan beri ártúrli baǵyttar boıynsha 232 kýrs ornalastyryldy, onyń 133-i tegin. Tirkelgen paıdalanýshylar sany 325 myńnan asty, oqýdy sátti aıaqtaǵan 270 myńnan astam adam sertıfıkat aldy. Oqýdy aıaqtaǵandardyń ishinde 62 myń adam jumyssyz mártebesine ıe, - delingen mınıstrlik habarlamasynda.