Aýdarmadaǵy qatelik: KHDR Ońtústik Koreıaǵa soǵys jarııalaǵan joq
ASTANA. 30 naýryz. QazAqparat - Soltústik Koreıa bıliginiń Ońtústikpen aradaǵy qarym-qatynastyń ýshyǵýyna baılanysty málimdemesi orys tiline durys aýdarylmaǵan.
RBK-nyń Koreı Ortalyq telegraf agenttigine silteme jasap habarlaýynsha, shyndyǵynda kommýnıstik memlekettiń úkimeti Seýldiń áli oryn ala qoımaǵan arańdatýshylyǵyna jaýap retinde áskerı is-qımyldardyń bastalýy múmkindigi týraly ǵana eskertken.
Reuters málimetteri boıynsha, KHDR aýmaǵynda áskerdiń mol shoǵyrynyń qozǵalysy baıqala qoımaǵan. Ońtústik Koreıada Phenıan málimdemesin arandatýshylyq retinde baǵalap otyr.
Degenmen, de sarapshylar kommýnıstik el bıliginiń óktemdigin atap ótýde. Málimdeme mátininde «Tolyq aýqymdy», «ıadrolyq soǵys» jáne «Ońtústikke jaı oǵyndaı soqqy» degen sózder kezdesedi.
Phenıannyń naqtylaı túsýinshe, Koreı túbegindegi qarym-qatynastyń ýshyǵýyna Seýl men Vashıngtonnyń birlesken oqý-jattyǵýy túrtki bolǵan. Buǵan jaýap retinde Kım Chen Yn generaldarmen keńesken soń, zymyrandaryn AQSh-tyń Gýam, Gavaı jáne Ońtústik Koreıadaǵy bazalaryn nysanaǵa alýdy buıyrǵan.
KHDR kóshbasshysy: «Oryn alǵan ahýaldy eskere otyryp amerıkalyq ımperıalıstermen esep aıyrysatyn kez keldi», - depti.
