Aýdaryspaq: Qazaq sportshysy qarsylastaryn 5 sekýndta utyp jatyr
ASTANA. KAZINFORM — Aýdaryspaqtan 100 keliden joǵary salmaqta el namysyn qorǵap jatqan túrkistandyq Birjan Qosalıev qarsylastaryn az ýaqyttyń ishinde utyp, aqtyq synǵa joldama aldy.
Birinshi kezdesýinde ózbek sportshysyn utsa, ekinshi aıqasta mońǵol sportshysyn nebary 5 sekýnd ishinde jeńdi.
Birjan Qosalıev — aýdaryspaqtan Qazaqstan chempıonatynyń 10 dúrkin chempıony. Azııa chempıonatyn 3 ret utqan.
Buǵan deıin Qyrǵyz jerinde ótken eki Dúnıejúzilik kóshpendiler oıyndarynyń jeńimpazy ekenin de atap ótken jón.
«2011 jylǵa deıin kókparmen aınalysyp júrdim. Áý basta hobbı bolǵany ras. Keıin aýdaryspaqqa aýystym. Aýdaryspaq ta, kókpar da at ústinde ótedi. ıAǵnı, uqsastyqtary kóp. Sodan bolar, asa qıyndyq týyndamady. Keıingi jyldary sheberligimdi dáleldep, úzdikterdiń qatarynan tabylyp júrmin. Bul rette, ulttyq sportqa qoldaý tanytyp júrgen el aǵalaryna alǵysymdy bildiremin», — dedi Birjan Qosalıev.
