Aýdarylǵan qarjynyń ár tıynyna esep beriledi - «Qazaqstan halqyna» qory
ASTANA. KAZINFORM — Іri kompanııalar bólgen qarjattyń bir tıynyn da ákimshilik shyǵyndarǵa nemese qyzmetkerlerdiń jalaqysyna bólmeımiz. Bul týraly «Qazaqstan halqyna» qoǵamdyq qorynyń basqarma tóraǵasy Lázzat Shyńǵysbaeva málim etti.
- Memleket basshysynyń bastamasynan keıin, iri kompanııalar Qorǵa qarajat aýdardy. 2022 jyldan beri 252 mlrd teńge qarajat kelip tústi. Odan beri jyl saıyn qarajat jınaý maqsaty bolmady. Óıtkeni jınalǵan qarajatty rettep, jobalardy iske asyrý kerek. Іri donorlar «bergen qarajat qalaı jumsalyp jatyr?» degen suraǵyna jaýap berilýi qajet. Bizdiń resmı saıtymyzda barlyq qarjynyń jumsalýy, kimmen kelisimshart bekitilgeni jaıynda tolyq aqparat bar. Tıisti tizimde úsh jyldyń ishinde qol qoıylǵan sharttar tirkelgen jáne ashyq kórsetilgen, - dedi L. Shyńǵysbaeva «Jibek Joly» telearnasynyń «Ýáde» baǵdarlamasynda.
Onyń sózine qaraǵanda, úsh jyldyń ishinde donorlar tarapynan Qor qyzmetine qatysty eshqandaı kúmán bolmaǵan.
- Jalpy, qorǵa túsken qarajattyń basym bóligi bir jyldyń (2022 jyly) ishinde kelip tústi. Sonymen qatar, zańnama aıasynda jyl saıyn «Samuryq-Qazyna» taza paıdasynyń 7 paıyzyn «Qazaqstan halqyna» qoǵamdyq qoryna aýdarady. «Sátti Juldyz» lotereıa operatory da jarnasyn salyp turady... Atap aıtqanda, qor qarajatyn saqtaýǵa qatysty is-qımyldar tujyrymdamamen bekitilgen, osy jaıynda tolyq aqparatty bizdiń resmı saıttan kórýge bolady, - dedi qor basshysy.
Máselen, qor belgili bir qarjyny depozıtte teńgemen saqtaıdy. Erejede depozıtte saqtaýǵa qatysty talaptar qarastyrylǵan.
- Ol jaqtan (depozıttiń ósiminen) túsken qarajat ákimshilik shyǵyndarǵa, keńseni jalǵa alýǵa, shtatqa jumsalady. Jalpy, donorlardan túsken qarajat tek jobalar men baǵdarlamalarǵa baǵyttalady. Іri kompanııalar bólgen qarjattyń bir tıynyn da ákimshilik shyǵyndarǵa nemese qyzmetkerlerdiń jalaqysyna bólmeımiz. Osy qadamdar donorlardyń senimin saqtaýǵa, ashyq jumys isteý úshin iske asyrylyp otyr. Bizge kelgen qarjynyń ár tıynyna esep beremiz, - dedi ol.
Aıta keteıik, Qazaqstanda Memleket basshysy Qasym-Jomart Toqaevtyń tapsyrmasy boıynsha «Qazaqstan halqyna» qoǵamdyq áleýmettik qory (QÁQ) quryldy.
Eske salsaq, bıyl qańtar aıynda «Qazaqstan halqyna» Qoǵamdyq qoryn úsh jyl boıy basqarǵan Bolat Jámishev qyzmetinen ketti.
Ol bul qyzmetke 2022 jyldyń qańtarynda taǵaıyndalǵan edi. Basqarma tóraǵasy bolyp saılanǵan ókilettik merziminiń aıaqtalýyna baılanysty B. Jámishev Qordaǵy jumysyn aıaqtaý týraly sheshim qabyldady.