Aýdandyq sottyń sýdıasy para alý kezinde ustalǵan
ShYMKENT. QazAqparat - Ońtústik Qazaqstan oblysynda Maqtaral aýdandyq №2 sotynyń sýdıasy para alý kezinde ustaldy. Bul týraly búgin Oblystyq sottyń alqa tóraǵalary ótkizgen baspasóz máslıhatynda sóz boldy, dep habarlaıdy QazAqparat tilshisi.
Oblystyq sottyń Qylmystyq ister jónindegi alqa tóraǵasy Zııaddın Pirnııazdiń aıtýynsha, Maqtaral aýdandyq №2 sotynyń sýdıasy 500 myń teńge para alý kezinde ustalǵan. Qazir onyń qylmystyq áreketine qatysty tergeý sharalary júrgizilip jatyr. Jıynda sondaı-aq sottar etıkasyn buzǵan sýdıalar jóninde aıtyldy. Máselen ótken jyly arnaıy komıssııada 40 sýdıanyń tártiptik isi qaralǵan bolsa, sonyń úsheýi qyzmetinen ketken.
«Jumystan bosatylǵandar Qarataý aýdandyq sotynyń sýdıasy Shalanov, Túrkistan qalalyq sotynyń tóraǵasy Serikbaev jáne Qazyǵurt aýdandyq sotynyń sýdıasy Tastanbekov. Bıylǵy jyly bir sýdıany jumystan bosatý týraly usynys berildi»,- dedi oblystyq sottyń sýdıasy Tamara Qalıqyzy.
ıAǵnı, qyzmetten shettetilgen Qarataý aýdandyq sotynyń sýdıasy Ermahan Shalanov pen Túrkistan qalalyq sotynyń tóraǵasy Omar Serikbaev para alyp, ustalǵan bolatyn. Sotta Shalanovtyń bir turǵynnan 500 myń teńge kóleminde para alǵany dáleldenip, 7 jylǵa bas bostandyǵynan aıyrylǵan edi. Al Omar Serikbaev sottalýshynyń jazasyn jeńildetip beremin dep 3 mln teńge alǵan. Keıinnen sotta «qyzmet babyn paıdalanyp, alaıaqtyq jasady» dep tanylyp, 3 jyl 6 aıǵa bas bostandyǵynan aıyryldy.
