Aýdandyq sottardyń kemshilikterge jol berýi saldarynan Joǵarǵy sotqa tikeleı ótinishter óte kóp túsýde - QR Joǵarǵy Sotynyń Tóraǵasy

Búgin QR Parlamenti Senatynyń jalpy otyrysynda elimizdegi sot júıesin jańǵyrtýǵa baǵyttalǵan zań jobalaryn talqylaý barysynda QR Joǵarǵy Sotynyń Tóraǵasy Bektas Beknazarov osylaı málim etti.     

Qabyldanǵan zańǵa sáıkes, kassatsııalyq sot keltirilgen barlyq kassatsııalyq shaǵymdar men narazylyq shaǵymdardy mindetti túrde qarap, oǵan deıin qabyldanǵan sot aktileriniń máterıaldyq jáne is júrgizý normalaryna sáıkestigin tekseredi. QR Joǵarǵy Sotynyń Tóraǵasy Bektas Beknazarovtyń aıtýynsha, sońǵy jyldary qalyptasqan sot tájirıbesi joǵaryda atalǵan máselelerdi retke keltirýdi talap etetinin kórsetken. «Máselen, 2010 jyly  azamattyq isterdiń 55,5 paıyzy, qylmystyq isterdiń 45 paıyzy oblystyq sottar deńgeıinde qaralmaı, tikeleı Joǵarǵy Sotqa tústi. 2011 jyly da osy jaǵdaı asa ózgergen joq. Anyǵyn aıtqanda, aýdandyq jáne oǵan teńestirilgen sottardyń kemshilikterge jol berýi saldarynan ótinishter tikeleı Joǵarǵy sotqa óte kóp túsýde», - deıdi Tóraǵa. Bul rette B. Beknazarov birinshi satydaǵy sottarda atalmysh kemshilikterdiń bolyp otyratynyn da joqqa shyǵarmady. «Appelıatsııa men kassatsııa durys jumys istegen jaǵdaıda materıaldyq jáne is júrgizý zańynyń osyndaı kemshilikterin kóptegen taraptardy áýre-sarsańǵa salmaı jergilikti sottarda der kezinde túzetýge ábden bolady. Ádette qoǵamdyq pikir týǵyzǵan eń kúrdeli ister Joǵarǵy Sot satylarynda qaralady. Bul búkil álemde qalyptasyp otyrǵan jaǵdaı. Al bizdiń Joǵarǵy Sot bolsa bul kúnde kelip túsken barlyq sanattaǵy isterdi qaraýda. Osynyń saldarynan Joǵarǵy Sottyń ózi isterdi qaraıtyn kezekti satyǵa aınaldy. Al onyń birden bir mindeti sot tájirıbesin qorytyp, normatıvtik qaýlylar arqyly zańnyń durys qoldanýyna túsinik berý bolyp tabylatyn edi», - deıdi B. Beknazarov.