Aýdandyq sot tóraǵalaryn saılaý elementi engizilmek
«Aýdandyq sottyń tóraǵalaryn saılaý elementterin engizý usynylady. Bul máseleni birazdan beri zańgerlik qaýymdastyqtar, kásipkerler men sýdıalar kóterip keledi. Munyń ústine sóz tek shalǵaıdaǵy jáne quramy shaǵyn sottar jaıynda ǵana bolyp otyr. Elordamyzda jáne oblys ortalyqtarynda 15 sot tóraǵasyz otyr», - dedi Andreı Lýkın Senattyń jalpy otyrysynda «QR sot júıesi jáne sottardyń mártebesi týraly» zań jobasyn tanystyra kele.
Depýtattyń atap ótýinshe, saılanbaly júıeni engizý jaǵdaıdy túzeýge septigin tıgizedi. Sýdıalar qoǵamynyń ózderi kandıdatty usynylady.
«Áriptesteri bedeldi sýdıadan ózin-ózi usynýdy ótinedi. Aıqyndyq pen ashyqtyq qamtamasyz etiledi. Mansaptyq ósý júıesi túsinikti bolady. Joǵarǵy sottyń sýdıalaryn da Senat balama negizde saılaıdy. Senattyń keminde 2 sýdıany taǵaıyndaý múmkindigi bolady», - dedi ol.
