Aýdandyq mádenıet úıiniń dırektory para alǵany úshin sottaldy
ASTANA. QazAqparat - Jambyl oblysynyń Shý aýdandyq soty mádenıet úıiniń dırektoryna qatysty úkim shyǵardy, dep habarlaıdy QazAqparat tilshisi.
Sot materıaldaryna sáıkes, aǵymdaǵy jyly aqpan aıynda mádenıet úıiniń dırektory óz kabınetine qol astyndaǵy qyzmetkerdi shaqyryp, oǵan aýyldy jerlerde mádenıet uıymdastyrýshysy qyzmetin usynǵan. Biraq ol úshin 70 000 myń teńge para berýdi talap etti. Sybaılas jemqorlyqqa qarsy kúres qyzmetiniń mamandardy mádenıet úıiniń dırektoryn para alý ústinde qolǵa túsirdi.
«Sot kezinde mádenıet úıiniń dırektory óz kinásin tolyǵymen moıyndady. Ol QR Qylmystyq kodeksiniń 366-baby, 1-bóligi boıynsha kináli dep tanylyp, alǵan parasynyń 50 eselengen kólemin, ıaǵnı 3, 5 mln teńgeni tóleýge mindetteldi. Budan bólek, oǵan ómir boıy memlekettik qyzmetti atqarýǵa tyıym salyndy. Sot úkimi zańdy kúshine endi», - deıdi aýdandyq sottyń mamandary.
