Aýdandyq aýrýhanalarda ne ózgeredi: Úkimet óńirlerge tapsyrma berdi
ASTANA. KAZINFORM — Úkimette óńirlerdegi densaýlyq saqtaý nysandaryn salý máseleleri qaraldy.
Premer-mınıstrdiń birinshi orynbasary Nurlybek Nálibaev óńirlerdegi densaýlyq saqtaý nysandaryn salý jáne jańǵyrtý máseleleri boıynsha keńes ótkizdi.
Aýdandyq aýrýhanalarǵa kúrdeli jóndeý júrgizý, rekonstrýktsııalaý, óńirlerde ońaltý ortalyqtaryn salý, sondaı-aq «SQ-Farmatsııa» JShS qoımalyq ınfraqurylymynyń qurylysy máseleleri qaraldy.
Nurlybek Nálibaev densaýlyq saqtaý nysandarynyń iske asyrý merzimderin saqtaý, ýaqtyly qarjylandyrý, qurylys-montajdaý jumystarynyń sapasy, ınfraqurylymmen qamtamasyz etý máselelerine basty nazar aýdarý qajettiligin atap ótti.
Sondaı-aq memlekettik organdar men uıymdarǵa qajetti medıtsınalyq buıymdarmen jabdyqtaýdy erekshe baqylaýǵa alý tapsyryldy.
Osyǵan deıin bir aptada Qazaqstanda qandaı jańa nysandar ashylǵanyn jazǵanbyz.
